Paloma Sánchez-Garnica e Beatriz Serrano, gañadora e finalista do Premio Planeta 2024

Durante a tradicional velada literaria celebrada no MNAC, e coa presenza dos Reis de España e do presidente do Grupo Planeta e Atresmedia, José Creuheras, o pasado 15 de outubro, fíxose entrega do Premio Planeta á escritora Paloma Sánchez-Garnica. O maior galardón literario, dotado cun millón de euros, foi para a novela Victoria.

A diferenza da gañadora, con ampla traxectoria literaria, e que xa fora finalista do premio anteriormente, Beatriz Serrano, con tan só 35 anos e a súa segunda novela Fuego en la venganza, foi recoñecida como finalista, cun premio de 200.000 euros.

Este ano, a entrega do Premio Planeta coincidiu coa celebración do 75 aniversario do Grupo, un acto que sempre esperta grande interese entre o gran público e que contou coa asistencia de máis dun centenar de escritoras e escritores, así como personalidades destacadas do ámbito cultural, empresarial, político, social, do cine e da televisión.